साहित्य सम्वर्दनमा निजी पहलः विराटनगरमा दुई स्रष्टा सम्मानित
विराटनगर । पूर्वाञ्चल साहित्य प्रतिष्ठान विराटनगरले भाषा, साहित्य र संस्कृतिको प्रवद्र्धनमा योगदान पुर्याउने दुई वरिष्ठ स्रष्टालाई नगदसहित सम्मान गरेको छ ।
प्रतिष्ठानले बुधबार विराटनगरमा आयोजित विशेष समारोहबीच ‘कवि टेकनाथ–शिवाकुमारी अधिकारी स्मृति साहित्य संस्कृति पुरस्कार’ समर्पण गर्दै महाकाव्यकार सोमराज अभय र अग्रज कवि प्रल्हाद पोखरेललाई जनही १५ हजार रुपैयाँ, दोसल्ला र सम्मानपत्र प्रदान गरेको हो ।
कार्यक्रममा प्रमुख अतिथि वरिष्ठ साहित्यकार प्रा.डा. गोपाल भण्डारी, प्रतिष्ठानका अध्यक्ष विवश पोखरेल, पुरस्कारका संस्थापक डिल्लीराम अधिकारी, भवानी अधिकारी तथा गोकुल अधिकारीले संयुक्त रूपमा पुरस्कार हस्तान्तरण गरेका थिए ।
संस्थापक अधिकारी परिवारले आफ्ना मातापिताको स्मृतिमा ५ लाख रुपैयाँको अक्षयकोष स्थापना गरी वार्षिक रूपमा साहित्य, भाषा र संस्कृतिका क्षेत्रमा उल्लेखनीय योगदान गर्ने स्रष्टालाई सम्मान गर्दै आएको जनाएको छ । यस्तो निजी पहलले साहित्यिक क्षेत्रको संस्थागत विकास र नयाँ पुस्तालाई प्रेरणा मिल्ने विश्वास गरिएको छ ।
कार्यक्रममा बोल्दै प्रमुख अतिथि प्रा.डा. भण्डारीले पण्डित टेकनाथ अधिकारीलाई नेपाली भाषा र संस्कृतिका प्रकाण्ड विद्वानका रूपमा स्मरण गर्दै उनको योगदान अनुपम रहेको बताए । उनले यस्तो व्यक्तित्वको नाममा स्थापित पुरस्कारले योग्य स्रष्टालाई सम्मान गर्दा यसको गरिमा अझ उचो भएको उल्लेख गरे ।
साहित्यकार प्रा.डा. हरिहर भण्डारीले सम्मानित स्रष्टा सोमराज अभयको योगदानमाथि प्रकाश पार्दै उनको काव्ययात्रा नेपाली महाकाव्य परम्परामा महत्वपूर्ण रहेको बताए । त्यस्तै कवि भेषराज पोखरेलले प्रल्हाद पोखरेलको सिर्जनात्मक यात्रालाई स्मरण गर्दै प्रतिष्ठानले सही व्यक्तिको छनोट गरेको धारणा राखे ।
कार्यक्रममा अग्रज साहित्यकार खेम नेपाली, बलराम पोखरेल, गंगा सुवेदी, कवि तथा पत्रकार मीनकुमार नवोदित, कवि निर्मला कोइरालालगायतले शुभकामना मन्तव्य व्यक्त गरेका थिए । वक्ताहरूले साहित्यिक गतिविधिलाई निरन्तरता दिन निजी तथा संस्थागत सहकार्य आवश्यक रहेकोमा जोड दिए ।
पछिल्लो समय स्थानीय तह र निजी क्षेत्रबाट यस्ता पुरस्कार तथा सम्मान कार्यक्रमले साहित्यिक वातावरण सुदृढ बनाउन योगदान पुर्याइरहेको छ । प्रतिष्ठानले आगामी वर्षहरूमा पुरस्कारको दायरा विस्तार गर्दै युवा स्रष्टालाई समेत प्रोत्साहन गर्ने योजना बनाएको जनाएको छ ।
पूर्वाञ्चल साहित्य प्रतिष्ठान विराटनगरले दुई जना वरिष्ठ साहित्यकारलाई नगदसहित पुरस्कृत गरेको छ ।
बुधबार विराटनगरमा विशेष समारोह आयोजना गरेर ‘कवि टेकनाथ–शिवाकुमारी अधिकारी स्मृति साहित्य संस्कृति पुरस्कार’ समर्पण गरेको हो । कार्यक्रममा महाकाव्यकार सोमराज अभय र अग्रज कवि प्रल्हाद पोखरेललाई दोसल्ला ओढाएर नगद १५–१५ हजारसहित सम्मानपत्र प्रदान गरिएको थियो ।
कार्यक्रमका प्रमुख अतिथि वरिष्ठ साहित्यकार प्रा.डा. गोपाल भण्डारी, आयोजक संस्थाका अध्यक्ष विवश पोखरेल, पुरस्कारका संस्थापक डिल्लीराम अधिकारी, भवानी अधिकारी र गोकुल अधिकारीले पुरस्कार समर्पण गरेका थिए ।
अधिकारीत्रयले आफ्ना मातापिताको नाममा ५ लाख रुपैयाँको अक्षयकोष स्थापना गरेर हरेक वर्ष भाषा, साहित्य र संस्कृतिका क्षेत्रमा योगदान पुर्याउने व्यक्तिहरुलाई पुरस्कृत गर्दै आएको छ ।
कार्यक्रममा प्रमुख अतिथि प्राडा भण्डारीले पण्डित टेकनाथ अधिकारी नेपाली साहित्य र संस्कृतिका प्रकाण्ड विद्वान भएको चर्चा गरे । उनले भाषा, साहित्य र संस्कृतिको संरक्षण र विकासमा अधिकारीको योगदान अतुलनीय रहेको बताए । यस्ता विद्वानको नाममा स्थापित पुरस्कार पनि नेपाली भाषा, साहित्यका क्षेत्रमा उल्लेखनीय योगदान पुर्याउने व्यक्ति अभय र पोखरेल पुरस्कृत हुनुले पुरस्कारले न्याय पाएको उनको भनाइ थियो ।
त्यस्तै साहित्यकार प्रा.डा. हरिहर भण्डारीले पुरस्कृत व्यक्तित्व सोमराज अभयको परिचय प्रस्तुत गरेका थिए । त्यस्तै कवि भेषराज पोखरेलले पुरस्कृत अग्रज कवि प्रल्हाद पोखरेलको परिचय प्रस्तुत गर्दै प्रतिष्ठानले सही व्यक्ति छनौट गरेकोमा खुसी व्यक्त गरे ।
कार्यक्रममा अग्रज साहित्यकार खेम नेपाली, बलराम पोखरेल, गंगा सुवेदी, कवि एवं पत्रकार मीनकुमार नवोदित, कवि निर्मला कोइरालालगायतले शुभकामना मन्तव्य व्यक्त गरेका थिए ।
