विराटनगरमा जारी क्रिकेट युनाइटेस कपमा बागमती विजयी
विराटनगर । नेपाल क्रिकेट फाउण्डेशनको आयोजनामा विराटनगर–६ स्थित मेरिलेबोन ज्वाला क्रिकेट मैदानमा क्रिकेट युनाइटेस कप–२०२६ मा बागमती प्रदेश विजयी भएको छ ।
क्रिकेट युनाइटेस कपमा बागमती प्रदेशको महिला टिमले विराटनगरको इक्वालिटी कप–११लाई २२ रनले पराजित गर्दै ३ खेलको २०–२० क्रिकेट सिरिजमा १–१ को बराबरी भएको छ । पहिलो खेलमा इक्वालिटी कप–११ ले बागमती प्रदेशलाई ५ विकेटले पराजित गरेको थियो । सिरिजको अन्तिम खेल बुधबार हुने छ ।
टस हारेर ब्याटिङ गरेको पाहुना टाली बागमतीले १९ दशमलव ४ बलमा सवै विकेट गुमाई १ सय १ रनको स्कोर बनाएको थियो । बागमतीकी सविका यादवले २७ रन बनाउँदा प्लेयर अफ म्याच नेपालको पूर्व खेलाडी अस्मिना कर्मचायले अविजित २२ रनको योगदान दिइन् । इक्वालिटी कप–११ की साक्षी यादवले २ विकेट लिँदा सरस्वती चौधरीले पनि २ विकेट लिइन् ।
१ सय २ रनको चुनौती पाएको इक्वालिटी कप–११ ले १८ ओभरमा सवै विकेट गुमाउँदै ७९ रनमा सिमित भयो । इक्वालिटी कप–११ की कप्तान सानु राजवंशीले २६ रन बनाउँदा सुवेक्षा लिम्बुले २४ रनको योगदान दिइन् । बागमतीकी कृष्मा गुरुङले ३ विकेट लिँदा पार्वती खत्रीले पनि ३ विकेट लिइन् ।
