धनकुटाको हिलेबाट खैरो हिरोइन सहित एक जना पक्राउ
धनकुटा । जिल्लाको धनकुटा नगरपालिका १ हिले स्थित बुद्द चोकबाट खैरो हिरोइन सहित एक जनालाई प्रहरीले पक्राउ गरेको छ।
प्रहरी चौकी हिलेबाट खटिएको टोलीले गत असार १७ गते चेकजाँचका क्रममा संखुवासभा धर्मदेवी नगरपालिका–१ निवासी २९ वर्षीय अनिल घिसिङको साथबाट ६ पोका खैरो हिरोइनजस्तो देखिने पदार्थ बरामद गरेको हो।
बरामद पदार्थको तौल प्लास्टिकसहित ३८० मिलिग्राम र प्लास्टिकबाहेक २५० मिलिग्राम रहेको जिल्ला प्रहरी कार्यालय धनकुटाका प्रवक्ता प्रहरी नायव उपरीक्षक हेमन्त भण्डारी क्षेत्रीले जानकारी दिए ।
पक्राउ परेका घिसिङविरुद्ध जिल्ला अदालत धनकुटाबाट म्याद थप अनुमति लिएर थप अनुसन्धान भइरहेको छ।
