धनकुटामा एक पुरुष मृत अवस्थामा फेला
धनकुटा, असार ३२ । धनकुटाको धनकुटा नगरपालिका–६ गोठ गाउँस्थित खोल्सामा एक पुरुष मृत अवस्थामा फेला परेका छन्।
बिहीबार दिउँसो करिब २:०० बजे स्थानीयवासीले ४४ वर्षीय भरत भन्ने प्रेम न्यौपाने खोल्सामा मृत अवस्थामा रहेको जानकारी प्रहरीलाई दिएका थिए।
सूचना प्राप्त हुनासाथ प्रहरी निरीक्षक पाण्डव कुमार राजवंशीको नेतृत्वमा घटनास्थलमा SOCO (क्राइम सिन) टोलीसहितको मुचुल्का टोली खटिएको थियो। आवश्यक कानुनी प्रक्रिया पूरा गरी शवलाई पोस्टमार्टमका लागि दिउँसो ४:२० बजे जिल्ला अस्पताल धनकुटा पठाइएको जिल्ला प्रहरी कार्यालय धनकुटाका प्रवक्ता प्रहरी नायव उपरीक्षक हेमन्त भण्डारी क्षेत्रीले जानकारी दिए ।
घटनाको कारण खुल्न बाँकी रहेको र यस सम्बन्धमा प्रहरीले आवश्यक थप अनुसन्धान गरिरहेको जनाएको छ ।
