रास्वपा पाख्रीबासको आयोजनामा अन्तर्राष्ट्रिय युवा दिवसको असवरमा जालपादेवी माविमा लागूपदार्थ दुर्व्यसनविरुद्ध सचेतना कार्यक्रम हुँदै
धनकुटा । अन्तर्राष्ट्रिय युवा दिवसको अवसरमा धनकुटाको पाख्रीबासमा लागूपदार्थ दुर्व्यसनविरुद्ध सचेतना कार्यक्रम आयोजना हुने भएको छ।
ईलाका प्रहरी कार्यालय पाख्रीबास र धनकुटा हेल्पिङ ह्याण्ड्सको सहकार्य तथा राष्ट्रिय स्वतन्त्र पार्टी (रास्वपा) पाख्रीबास नगर समितिको आयोजनामा “लागूपदार्थ दुर्व्यसनविरुद्ध सचेतना कार्यक्रम” सञ्चालन गर्न लागिएको हो।
युवापुस्तामा बढ्दै गएको लागूपदार्थ दुर्व्यसनका कारण उत्पन्न हुने सामाजिक तथा व्यक्तिगत समस्याबारे सचेतना फैलाउने उद्देश्यले कार्यक्रम आयोजना गर्न लागिएको नगर समितिले जनाएको छ।
कार्यक्रम साउन २७ गते बुधबार दिउँसो १२ः३० बजे पाख्रीबास स्थित श्री जालपा देवी माध्यमिक विद्यालयको हलमा आयोजना हुने बताइएको छ।
आयोजकले कार्यक्रममा सम्पूर्ण राजनैतिक दल, सरोकारवाला, युवा, विद्यार्थी, अभिभावक तथा स्थानीयवासीको उपस्थितिका लागि अनुरोध गरेको छ।
