मोरङको कानेपोखरीमा २.५० ग्राम खैरो हेरोइन सहित एक जना पक्राउ
मोरङ, ३० साउन । मोरङको कानेपोखरी गाउँपालिका–६ नरसरी डाँडाबाट प्रहरीले २.५० ग्राम खैरो हेरोइनसहित एक जनालाई पक्राउ गरेको छ।
लागूऔषध सेवन तथा कारोबार भइरहेको भन्ने गोप्य सूचनाका आधारमा प्रहरी चौकी रमाइलोबाट खटिएको प्रहरी टोलीले साउन २९ गते चेकजाँच गरेको थियो।
चेकजाँचका क्रममा कानेपोखरी गाउँपालिका–४ बस्ने २४ वर्षीय निमेश घिमिरेको साथबाट प्लास्टिकबाहेक २.५० ग्राम खैरो हेरोइनजस्तो देखिने पदार्थ फेला परेको प्रहरीले जनाएको छ।
प्रहरीले घिमिरेलाई नियन्त्रणमा लिएर इलाका प्रहरी कार्यालय पथरीमा ल्याएको छ। घटनाबारे थप अनुसन्धान भइरहेको जिल्ला प्रहरी कार्यालय मोरङले जनाएको छ।
