सेना दिवसको अवसरमा धनकुटामा ५३ जनाले रक्तदान गरे
धनकुटा खबर । नेपाली सेनाको स्थापना दिवसको अवसर पारेर आयोजना गरीएको रक्तदान कार्यक्रममा ५३ जनाले रक्तदान गरेकाछन् ।
सोमबार जिल्ला अस्पताल धनकुटामा आयोजित कार्यक्रममा सेनाका ३० जना र सर्वसाधारण १६ जनाले रक्तदान गरेको धनकुटा अस्पतालका मेडिकल सुपरीटेण्डन फडिन्द्र बरालले बताउनुभयो ।
जिल्ला अस्पताल धनकुटामा ब्लडबैंक नभएका कारण संकलित रगत विपी कोइराला स्वास्थ्य विज्ञान प्रतिष्ठान धरानको ब्लड बैंकमा राखिने बरालले जानकारी दिनुभयो ।
नेपाली सेनाले बार्षिक रुपमा नेपाली सेनाको स्थापना दिवसको अवसरपारेर रक्तदान कार्यक्रम गर्ने गरेको यसवर्ष पनि निरन्तरता दिएको मेजर रामबहादुर कार्किले बताउनुभयो ।
धनकुटा नगरपालिका ७ मा रहेको राईजिङ युथ क्लबको संयोजन तथा नेपाल रेडक्र सोसाईटीको प्राबिधिक सहयोगमा उक्त रक्तदान कार्यक्रम सम्पन्न भएको थियो ।
