धनकुटा सागुरीगढीको पाँचकन्या गुफा ओझेलमा !
धनकुटा खबर । धनकुटाको सागुरीगढी ९ हर्दिया स्थितको पाँचकन्या गुफा उचित संरक्षण तथा व्यवस्थापनको अभावमा ओझेलमा परेको छ ।
धनकुटाको भेडेटार स्थित ऐतिहाँसिक साँगुरी गढी । यो धनकुटाको एक पर्यटन गन्तब्य हो । (फाईल फोटो)
उचित संरक्षण सम्वद्र्धन र प्रचार प्रसार नहुँदा पर्यटकीय सम्भावना रहेको यो गुफा ओझेलमा परेको वडाध्यक्ष जीत वहादुर राईले वताउनुभयो । वडा कार्यलयवाट करिव १ सय मिटर उत्तर दूरीमा अवस्थित यो गुफा १५ मिटर लामो छ ।
गुफाको लागि भनेर गाउँपालिकावाट यसपटक छुट्याईएको ५० हजार वजेटले यसको संरक्षण र प्रचार प्रसार गर्ने योजना रहेको वडाध्यक्ष राईले जानकारी दिनुभयो ।
