धनकुटाका चिया किसान र उद्योगीहरुलाई स्वास्थ्य सुरक्षा तालिम
धनकुटा खबर । चियाको उत्पादन र उत्पाकत्व बढाउन सहयोग पुर्याउने उदेश्यले धनकुटाका चिया किसान तथा चिया उद्योगहरुलाई ब्यवसायजन्य स्वास्थ्य तथा सुरक्षा सम्बिन्धि अभिमुखिकरण तालिम दिईएको छ ।
डेनमार्क सरकारद्वारा सन्चालित उन्नती परियोजना अन्तर्गत अन्तराष्टिय श्रम संगठन (आईएलओ) को सहयोग तथा केन्दीय चिया सहकारी संघ लिमिटेडको आयोजनामा उक्त तालिम दिईएको हो ।
धनकुटाको हिलेमा आयोजित एक दिवसिय उक्त अभिमुखिकरण तालिमले चिया क्षेत्रमा भएका र हुनसक्ने खतरा तथा समस्याको समधान पुग्ने आयोजक समितिका केन्द्रिय सचिव रविन राईले बताए ।
किसान तथा ब्यसायीहरुले आफ्नोे र आफ्नो उत्पादनको स्वाथ्य तथा सुरक्षाको ध्यान नदिंदा पेशामा जोखिम र नोक्सान भईरहेकोले उक्त तालिमको आयोजना गरिएको राईले बताए ।
कार्यक्रममा प्रशिक्षक राम बहादुर बिष्टले किसन तथा ब्यसायीहरुलाई चिया खेती,ब्यपार र उत्पादनमा आउने समस्या र त्यसलाई समधान गर्ने बिषयमा अभिमुखिकरण दिएका थिए ।
जिल्ला सहकारी संघ लिमिटेडको आयोजनामा सम्पन्न उक्त अभिमुखिकरण तालिममा जिल्लाका २५ जना चिया किसान र उद्योगीहरुको सहभागिता रहेको अध्यक्ष ईनद्र सारु मगरले जानकारी दिए ।
