र्याकेट बुनेरै राम्रो कमाई !
धनकुटा खबर । स्वस्थ्य रहन शारिरीक व्यायमका लागि व्याटमिन्टन खेल्नेको संख्या बढेपछि धनकुटाका एक व्यक्तिले व्याटमिन्टन र्याकेट बुनेर राम्रो आम्दानी गरेकाछन् ।
व्यटमिन्टन खेलेरे र्याकेटकोडोरी चुंडिएपछि त्यसमा स्ट्रिङ (गट) बुन्न धरान र बिराटनगर जानुपर्ने बाध्यता देखेपछि डेढबर्ष अघि देखि ५१ बर्षिया खगेन्द्र कुमार श्रेष्ठले उक्त काममा लागेर राम्रो आमदनी गरेका हुन् ।
उनले अहिले दैनिक ४ वटा सम्म र्याकेट बुनेर मासिक २० हजार भन्दा बढी कमाई गरिरहेको बताए ।
“र्याकेट बुनेर राम्रो आम्दानी भईरहेको छ ।”–उनले भने, “धरान, बिराटनगर जानु नपर्ने भएकाले सबैको धन्यवाद समेत पाएको छु ।”। एउटा र्याकेट बुनेको स्ट्रिङ(डोरी) अनुसार तीन सय देखि एक हजार सम्म लिने उनले बताए ।
कमाईको राम्रो सम्भावना दखेर उनले तात्कालिन समयमा एक लाख २० हजारमा र्याकेट बुन्ने मसिन किनेर श्रेष्ठले धनकुटा स्पोर्ट सेन्टर खोलेर सेवा दिंदै आएका छन् । यो धनकुटाको एक मात्र व्याटमिन्टन र्याकेट मर्मत सेन्टर हो ।
व्याटमिन्टनको लोकप्रियता बढेपछि अहिले धनकुटामा व्याटमिन्टन संघ धनकुटाको पहलमा एक बहुउदेश्यीय कवडहल समेत बनिरहेको छ । संघका अनुसार अहिले धनकुटामा दुईसय भन्दा बढी व्याटमिन्टन खेलाडिहरु रहेका छन् ।
