उद्यम गर्न चाहने एकल महिलालाई धनकुटा नगरपालिकाले आर्थिक सहयोग गर्ने
धनकुटा खबर । धनकुटा नगरपालिकाका मेयर चिन्तन तामाङ्गले साना तथा लघु उद्यम गर्न चाहने एकल महिलाहरुलाई अनुदान सहयोग गर्ने बचन दिएका छन् ।
मानव अधिकारका लागि महिला एकल महिला धनकुटाद्वा सन्चालित धुप बनाउने तालिमको समापनमा बोल्दै तामाङ्गले यस्तो बचन दिनुभएको हो ।
‘सिकेको सिपको सदुपयो गर्नुहोस्, उद्योग सन्चालनको लागि आर्थिक सहयोग गर्न नगरपालिका तयार छ’–तामाङ्गले भने ।
त्यस्तै कार्यक्रममा नेपाल पत्रकार महासंघ धनकुटाका उपाध्यक्ष नगेन्द्र राईले यस सिपले लघु उद्याम सन्चालन गरेर एकल महिलाहरुको जीवन धान्न सफल भए भन्ने समचार लेख्ने अबसर मिलोस भन्ने सुभेक्षा प्रकट गरे ।
३ दिने उक्त तालिममा नगरका १० वडाका २० जना एकल महिलाहरुको सहभागिता रहेको संस्थाकी अध्यक्ष मिना राईले जानकारीदिए ।
धनकुटा नगरपालिकाको आर्थिक सहयोगमा सन्चालन भएको उक्त तालिममा प्रशिक्षक मनु बिक र ईन्दु दर्नालले प्रशिक्षण दिएका थिए ।
