४ बर्षमा धनकुटा-हिले रिङ्गरोड बन्ने
धनकुटा खबर । धनकुटा बजार देखि भीरगाउँ हुंदै हिले बजार सम्मको १८ किलोमिटर रिङ्गरोड बन्ने भएको छ ।
धनकुटा नगरपालिकाको वडा नं. ५ बिहिबारे हुंदै वडा नं.४ को छारागाउँ देखि वडा नं.२ भीरगाउँको धार्मिक स्थल भधुगंगा देखि वडा नं. १ हिले सम्का बिभिन्न सडक खण्डमा अहिले काम भईरहेको छ ।
क्रमागत योजना अन्तर्गत ४ बर्ष भित्रमा आयोजना सम्पन्न गर्न गत बर्ष ५० लाख बिनियोजन गरेको धनकुटा नगरपालिकाले एक करोड बिनियोजन गरेको छ ।
यस चालु आव ०७४÷०७५ मा हिले देखि भिगाउँ सम्मको साढे ९ किमि र धनकुटा बजार देखि भीरगाउँ सम्मको ९ किमि बाटोको लागि ५०÷५० लाख बिनियोजन भएको धनपा २ का वडा अध्यक्ष चन्द्रलाल तामाङ्गले बताए ।
६ मिटर चौडा भएको उक्त बाटो ४ बर्ष भित्रमा सबै ढलाई भएपछि उक्त क्षेत्रका कृषि उपजहरु बजार ल्याउन सहज हुने तामाङ्गले बताए ।
आयोजनाबाट एक हजार तीन सय भन्दा बढी घरधुरी लाभाम्बित हुने तामाङ्गले बताए ।
