अबिरल परेको असिना-पानीले धनकुटामा १६ करोड मुल्य बराबरको तरकारी बाली नष्ट
धनकुटा खबर । आइतबार साझ धनकुटामा परेको अविरल बर्षा र असिनाले करिब १६ करोड मुल्य बराबरको तरकारी बाली नष्ट गरेको छ ।
धनकुटाको प्रमुख तरकारी उत्पादन हुने क्षेत्र छथर जोरपाटी गाउँपालिकामा र महालक्ष्मी नगरपालिकामा बढी मात्रामा तरकारी बालि नष्ट भएको हो । छथर जोरपाटी गाउँपालिकामा १० करोड र महालक्ष्मी नगरपालिकामा ६ करोड बराबरको क्षति भएको हो ।
तरकारी उत्पादनको मुख्य क्षेत्र मानिएको छथरजोरपाटी गाउँपालिकाको परेवादिन, हात्तिखर्क, तांखुवा, सिधुवा, जोरपाटी लगायतका क्षेत्रका किसानले १२ सय हेक्टरमा लगाएको करिब १० करोड मूल्य बराबरको तरकारीबाली असिनाले नष्ट गरेको छथरजोरपाटी गाउँपलिका कृषि शाखा प्रमुख खगेश्वर तिम्सिनाले जानकारी दिए ।
यस्तै महालक्ष्मी नगरपालिका वडा नं. १, २, ८ र ९ मा लगाईएको तरकारी बालीमा असिनाले क्षती पु¥याएको छ । यी वडाका करीब ४५० परिवार किसानले लगाएको तरकारी नष्ट हुँदा ६ करोड बराबरको क्षती भएको प्रारम्भिक अनुमान भए पनि एकिन तथ्याङ्क संकलन गर्नको लागि कृषि प्राविधिकहरुलाई खटाएको महालक्ष्मी नगरपालिकाका प्रमुख पर्शुराम नेपालले जानकारी दिए ।
