महालक्ष्मी नगरपालिका धनकुटामा सेवाग्राहिका सारा काम अब अनलाइनबाटै !, १० लाख लागतमा इन्टरनेट टावर निमार्ण – भिडियो सहित
धनकुटा खबर । सुचना र सञ्चारको पहुँच आम नागरीकमा पुर्याउने उद्येश्यले महालक्ष्मी नगरपालिकाले इन्टरनेट सेवा सुरु गरेको छ ।
नगरपालिकाले दिने सेवामा सहज पहुँच स्थापित गर्न र सबैलाई चुस्त दुरुस्त पार्न नगरपालिकाले आफ्नै लगानिमा टावर निमार्ण गरी इन्टरनेट सेवा सुरु गरेको हो । इन्टरनेट टावर निमार्ण भएपछि नगरपालिकाले सबै वडाबाट अनलाइमार्फत काम गर्ने जनाएको छ ।
नगरपालिकाको १० लाख रुपैयाको लागतमा इन्टरनेट टावर निमार्ण गरिएको हो । टावर निमार्णसगै नगरका ९ वडा मध्ये ६ वटा वडामा अनलाइन सेवा सुरु गरिसकिएको नगरपालिका प्रमुख पर्शुराम नेपालले बताउनुभयो ।
सबै वडामा अनलाइन सेवा सुरु भएपछि वडाले गरेका गतिविधिलाई नगरपालिका कार्यालयमा नै बसेर हेर्न मिल्ने कार्यालयले जनाएको छ । नगरपालिकाले निमार्ण गरेको इन्टरनेट टावरले आगामी दिनमा वडामा मात्र नभएर स्थानिय विद्यालय तथा अन्य सरकारी कार्यालयमा पनि सेवा विस्तार गरिने कार्यलयले जनाएको छ ।
