धनकुटामा रेमिटल्याण्ड परिचर्चा !
धनकुटा खबर । श्याम सिंघकद्धारा लिखित उपन्यास रेमिटल्याण्डको एक चिया गफ चर्चा कार्यक्रम सम्पन्न भयो ।
उपन्यासका श्याम सिंघकको उपस्थितिमा भएको कार्यक्रम मिसन पोयट्री धनकुटाको आयोजनामा सम्पन्न भएको हो । पछिल्लो समाजको तस्विर जस्ताको तस्तै आफुले तीन वर्ष मेहनत गरेर लेखेको र समाजको चित्र उतार्ने साहस गरेको पनि उपन्यासकार श्याम सिंघकले बताए ।
धनकुटा बहुमुखी क्याम्पसका उप–प्राध्यपक ईच्छापूर्ण राईले रेमिटल्याण्ड उपन्यासले फ्रायदवादबाट समाजको अन्य पाटोहरु केलाएर पाठक सामु ल्याउन सफल भएको बताए ।
समाजमा विविध विषयहरु जो मानिसलाई थाह छ तर सार्वजानिक रुपमा भन्न सकिरहेको हुदैनन् त्यस्ता विषयहरुलाई टपक्क टिपेर समाजमा पस्कनु चानचुने विषय नभएको पनि प्राध्यपक राईले बताए ।
बागियान साहित्यिक द्वैमासिक पत्रिकाका सम्पादक श्रीशीशा राईले रेमिटल्याण्डले पहिचान साहित्यलाई काँही न काँही उठान गरेपनि विस्तृत रुपमा आउन नसकेको बताए ।त्यसै गरि रेमिटल्याण्डले ७० प्रतिशत मायाप्रेमको विषय बोकेको छ भने बाँकी कुरा अन्य समाजको विषयवस्तुलाई उठान गरिएको एक उत्कृष्ट उपन्यास भएको कुरा कवि राज माङलाकले बताए ।
कवि केजी सुब्बाले रेमिटल्याण्ड एक शसक्क्त उपन्यास भएको र यसले समाजको विषयवस्तुलाई छर्लङ्गै पारेर अगाडी आएको बताए ।रेमिटल्याण्ड उपन्यासको नामैबाट समाजको विषयवस्तुहरुलाई चौतर्फी एकै नामबाट अनेकन विषयवस्तुहरु उठान गरेको एक शसक्त्त उपन्यास भएको कवि नरेन्द्र कश्चितले बताए ।
रेमिटल्याण्ड एक चिया गफ चर्चा कार्यक्रममा कवि मुकुन्द प्रयास,कवि रमेशचन्द्र अधिकारी,कवि रोशन परियार,कवि अनन्त अनुराग,कवि प्रज्वल पुकार,कवि सञ्जय सयल,कवि इन्दु कार्की लगायतकाले समेत आ आफनो तर्क प्रस्तुत गरेका थिए ।मिसन पोयट्री धनकुटाको तर्फबाट उपस्थित सबैलाई धन्यवाद ज्ञापन कवि केजि सुब्बाले गरे ।
