एभोकाडो जोन घोषणा गरेसँगै धनकुटामा एभोकाडो बिरुवाको माग बढ्यो, प्रतिगोटा कति ?
धनकुटा खबर । धनकुटा नगरपालिकाले धनकुटा नगरपालिकालाई एभोकाडो जोन घोषणा गरेसंगै धनकुटामा एभोकाडोको बिरुवाको माग बढेको छ ।
अघिल्लो बर्ष करिब १६ हजार बिरुवा मात्र बिक्रि भएको धनकुटा जोन घोषणा संगै नगरपालिका क्षेत्रवाट यो बर्ष करिब ४० हजार बिक्रि भएका छन् ।
यो करीब ६० लाख मुल्य वराबरको हो । अहिले धनकुटामा प्रति गोटा बिरुवा रु ५० देखि १ सय ५० सम्ममा बिक्री हुने गरेको छ । बि.स. २०४० सालमा पाख्रिवास कृषि अनुसन्धान केन्द्र स्थापना गर्न अनुसन्धानको लागि आएको ब्रिटिस टोलि संगै धनकुटा भित्रिएको एभोकाडो हाल आएर ब्यवसायीक खेति सुरु भएसंगै बिरुवाको माग बढेको हो ।
यो बर्ष जसोतसो माग धाने पनि आउदो बर्षको लागि बढि माग भएको धनकुटाका नर्षरी ब्यबसायी भरत गुरागाइ बताउनु हुन्छ ।
धनकुटावाट धनकुटा संग मिल्दोजुल्दो हावापानी भएका ३१ जिल्लामा बिरुवा गएको धनकुटा नगरपालिकाका कृषि सल्लाहकार कृषि बिज्ञ जिबन राइले जानकारी दिनुभयो ।
नेपालमा दशौं बर्ष एभोकाडो बेच्ने बजारको कमी नहुने भएकाले एभोकाडो खेती तर्फ किसान आकर्षित भईरहेको राईले जानकारी दिनुभयो ।
