धनकुटाका अधिकांश स्थानमा बर्षा, किसान हर्षीत
धनकुटा । भदौको अन्तिम साता भएको बर्षाले किसानलाई राहत मिलेको छ ।
धनकुटाका अधिकांश स्थानमा बर्षा भए पछि हिउँदे बालि राम्रो हुने भएकाले यो बर्षाले ठुलो राहत भएको चौबिसे गाउँपालिकाका कृषक हर्कबहादुर लिम्बुले बताए । उनले भने सुक्न थालेको हिउँदे बालि भटमास, कोदो, सिवि, मास लगाएतको बालि लाई फाइदा भएको छ ।
छथरजोरपाटी गाउँपालिकाका अर्का किसान जीत बहादुर लिम्बुले भने बेलामा बर्षा नहुदा मकै उत्पादन आधा घट्यो तर यो समयको बर्षाले हिउदे बालि राम्रो हुन्छ भन्ने आश छ ।
यो बर्ष बर्षाले किसानलाई ठगि रहेपनि अहिले भने गुण गरेको लिम्बु बताउछन् । यो बर्षाले सिंचाई सुविधा नभएको र आकासे पानीको भरमा धान खेति गर्ने किसान लाई पनि राहत भएको किसान बताउछन् ।
धनकुटामा हिउँदमा ठाउँ अनुुसार तरकावालि, खाद्यन्य बालि, दलहन, तेलहन बालिको खेति हुने गरेको छ ।
