शहीद दिवसको अवसरमा धनकुटामा बुद्धिचाल
धनकुटा खबर । शहीद दिवसको अवसरमा धनकुटा शहीद स्मृती प्रतिष्ठानले धनकुटामा बुद्धिचाल (चेस) प्रतियोगिता र शहीदहरुको योगदान विषयक विचार गोष्ठीको आयोजना गर्ने आज जनाएको छ ।
नेपाल पत्रकार महासंघ धनकुटको संचार केन्द्र हलमा संचालन गरिने खुल्ला बुद्धिचाल प्रतियोगिताको शहीद दिवस माघ १६ गते उद्घाटन हुने र शहीदहरुको योगदान विषयक गोष्ठी समेत संचालन गरिने धनकुटा शहीद स्मृती प्रतिष्ठानका उपाध्यक्ष तथा शहीद डगल सिंह लिम्बुका पुत्र कृष्ण गोविन्द्र चेम्जोङ्गले वताउनु भयो ।
शहीदहरुले राष्ट र जनताको लागी आफ्ना ज्यान बलिदान दिएता पनि अहिले शहीहरुलाई बिर्सदै गएकोले शहीदहरुको सम्मान र सम्झनामा शहीद दिवसमो शहीदको योगदान विषयक विचार गोष्ठी र बुद्धिचाल प्रतियोगिताको आयोजना गरिएको र उक्त कार्यक्रमको संयोजक धनकुटा शहिद प्रतिष्ठानका सदस्य तथा शहीद भीम नारायण श्रेष्ठका नाती बिमर्शमान अमात्य रहनु भएको सो प्रतिष्ठानका महासचिव विजय सन्तोषी राईले वताउनु भयो ।
