धनकुटाका युवा नेता तथा कलाकारले ल्याए यस्तो गीत – हेर्नुस् भिडियो सहित
धनकुटा खबर । धनकुटाको चौविसे गाउँपालिका वडा नं ५ वोधेका युवा नेता तथा कलाकार आधुनिक देवानको पहिलो पटक ‘माछी लेवैमा’ वोलको लोक आधुनिक गीत सार्वजनिक भएको छ ।
यसघि जनवादी गीतहरु गाउदै आउनुभएका देवानले यो पहिलो पटक लोक आधुनिक गीत गाउनुभएको हो । शव्द, स्वर र संगीत समेत देवान कै रहेको यो गीत आज ओ एस आर डिजिटल स्डुडियो डिल्ली वजारवाट युट्युव मार्फत सार्वजनिक गरिएको छ ।
विद्यार्थी जीवनकाल देखी नै जनवादी गीत गाउदै आउनुभएका उहाँले श्रोताको रुची र माग लाई समेत ध्यानमा राख्दै लोक आधुनिक गीत निकालेको वताउनुभयो । २०५२/५३ साल देखी नै आफुले जनवादी गीत गाएको वताउनुहुने गायक देवानले आफुहरुले गाएका जनवादी गीतले आंशिक व्यक्तिलाई सत्तामा पुर्याउन भर्यांङको काम मात्र गरेको भन्दै असन्तुष्टि व्यक्त गनर्’भयो ।
उहाँले जनवादी गीतहरुले देशका किसान,लाहुरे र विदेशीका मानिसहरुको भावना एवम् जीवन कथालाई समेत समेट्ने वताउदै यस्ता गीत अहिले पनि कुनै सञ्चार माध्यमले प्राथामिक्ताका साथ नवजाउने गरेको र सरकारले समेत यसका लागि कुनै पहल नगरेको प्रति गुनासो गर्नुभयो ।
माछी लेवैमा नामको एल्वममा रहेको जम्मा ५ वटा गीतहरु मध्येको एक यो गीतको निर्देशक अर्जुन क्षेत्री हुनुहुन्छ भने छायांकन र सम्पादन सनम लामाले गर्नुभएको छ । यस गीतका मोडलहरु चन्द्र तामाङ र तीर्थ लिम्वु रहनुभएको छ । देवानले यो गीत आफ्नो जीवन कथामा आधारित अत्यन्तै मार्मिक भएको वताउदै श्रोताले रुचाउने समेत अपेक्षा राख्नुभएको छ ।
