चार स्वर्ण जि’त्ने गौरिकाले ५६ लाख पाउने !
काठमाण्डौ । बुधबार प्रधानमन्त्री केपी शर्मा ओलीले प्रधानमन्त्री निवास बालुवाटारमा गरेको घोषणा अनुसार १३ औं सागका पदक विजेतालाई दिने रकमबारे सरकारी अधिकारीहरु नै अस्पष्ट देखिएका छन् ।
व्यक्तिगत तर्फ स्वर्ण जित्नेलाई जनही ९ लाख रुपैयाँ दिने घोषणा भए पनि दुई वा दुईभन्दा बढी पदक विजेतालाई दिने रकममा उनीहरूबीच द्विविधा देखिएको हो ।
यता टिम इभेन्टका खेलाडिहरुले असन्तुष्टी जनाएका छन् । रजत पदक जित्नेले ६ लाख पाउँदा आफूहरुले स्वर्ण जित्दा पनि ५ लाख मात्रै पाएको भन्दै असन्तुष्टी व्यक्त गरेका हुन् । फुटबल, बास्केटबल, भलिबल जस्ता टिम इभेन्टका खेलाडिहरुले असन्तुष्टी जनाएका हुन् । टिम इभेन्टमा स्वर्ण जित्नेको पुरस्कार बताएपनि रजत र काश्य जित्नेका बारेमा भने कतै उल्लेख गरिएन ।
फुटबल, कराते, तेक्वान्दोमा नेपालले टिम इभेन्टमा स्वर्ण जितेको थियो । यस्तै बास्केटबल, कबड्डी, भलिबल लगायतका टिम इभेन्टमा नेपालले रजत पाएको थियो । अब उनीहरुले पुरस्कार कसरी, के आधारमा पाउछन भन्ने अन्योलमा खेलाडी रहेका छन ।
कार्यक्रममा टिम इभेन्टमा दोस्रो र तेस्रो स्थानमा रहने खेलाडीका बारेमा केहि नबोलिदा प्रधानमन्त्री निवास बालुवाटारमा खेलाडी खेलाडी विच केहि अन्योलता देखिएको थियो ।
तर पछि प्रधानमन्त्रीका प्रेस सल्लाहकार सूर्य थापाले प्रधानमन्त्रीले गरेको घोषणामा गौरिकाले चार स्वर्ण जितेकाले उनले एक स्वर्ण बराबर ११ लाख पाउने बताए । तर पुरस्कार घोषणामा भने प्रष्ट पारिएको थिएन ।
४ स्वर्ण जितकी गौरिका सिंहले ४४ लाख त्यसबाट रजतबाट थप १२ लाख गरि कम्तिमा ५६ लाख पाउने छिन् । गौरीकाले स्वर्णबाट ४४ लाख र रजतबाट १२ लाख पाउने छन् । उनले १३ औँ सागमा गौरिकाले चार स्वर्ण जितेकी थिइन् । गाैरिकाले महिलातर्फको ४ सय मिटर फ्रिस्टाइलमा, १ सय मिटर फ्रिस्टाइलमा, २ सय मिटर फ्रिस्टाइलमा र २ सय मिटर व्याकस्ट्रोकमा स्वर्ण पदक जितेकी छन् ।
गौरिकाले समूहमा तीन कास्य पदक जितेकी थिइन् । त्यसमा कति रकम प्राप्त गर्नेछिन् भन्ने एकिन भएकाे छैन । समूह कास्यमा पनि गाैरिकाले पाए ५६ लाख भन्दामाथि नै हुने छ ।
