धनकुटामा ५ सय ७९ जनाको पिसिआर रिपोर्ट नेगेटिभ
धनकुटा खबर, जेष्ठ ३२ । पिसिआर विधिबाट कोरोना परिक्षण गरिएका धनकुटा जिल्लाका ५ सय ७९ जनाको रिपोर्ट नेगेटिभ आएको छ । यो विधिबाट ५ सय ८७ जनाको कोरोना परिक्षण गरिएको मध्ये उल्लेखित संख्याका मानिसको रिपोर्ट नेगेटिभ आएको जिल्ला प्रशासनले जनाएको छ ।
पिसिआर रिर्पोट पोजेटिभ आएर पछिल्लो समय उपचाररत रहेका एक जना निको भएर केही दिन अघि घर फर्किएकाछन् भने अन्य ७ जना त्यसअघि नै निको भई फर्किसकेका थिए ।
त्यस्तैगरी आरडिटी विधिवाट परिक्षण गरिएको ८ सय २७ मध्ये ८ सय ४ जनाको रिपोर्ट नेगेटिभ र २३ जनाको पोजेटिभ आएको जनाईएको छ । आज सम्म जिल्लाको ७ महिला र ३३ पुरुष क्वारेन्टाईनमा छन् भने १२ महिला र ५४ पुरुष होम क्वारेन्टाईनमा रहेको जिल्ला प्रशासन कार्यलय धनकुटाका सूचना अधिकारी जयराम श्रेष्ठले जानकारी दिनुभएको छ ।
