प्रथम ढुंगे कप फुटवल प्रतियोगिताको दोश्रो दिन ४ वटा खेल सम्पन्न
धनकुटा । धनकुटाको सागुरीगढी गाउँपालिका ८ ढुङ्गेमा जारी प्रथम ढुंगे कप फुटवल प्रतियोगिताको दोश्रो दिन ४ वटा खेल सम्पन्न भएका छन् । ढुङ्गे फुटवल क्लव र खुँडी फुटवल क्लव वीच भएको पहिलो खेलमा ०,३ गोल अन्तरले खुँडी विजयी भएको छ ।
चियावारी वराहक्षेत्र र गोलखाडी फुटवल क्लव सागुरीगढी ८ वीच भएको दोश्रो खेलमा १,४ गोल अन्तरले चियावारी वराहक्षेत्रले जित निकालेको छ । भने अरिंगाल फुटवल क्लव धरान १३ र लक्ष्मी देउराली युथ क्लव आहाले वीचको तेश्रो खेलमा ३,४ गोल अन्तरले अरिंगाल फुटवल क्लव धरान १३ विजयी भएको छ ।
र्सिजना युथ क्लव सिंकुला र नवछिनाम युवा क्लव वीच भएको चौथो खेलमा १,३ गोल अन्तरले सिंकुला विजयी भएको प्रतियोगिता आयोजक क्लवका अध्यक्ष नगेन्द्र राईले जानकारी दिनुभएको छ । १८ टिमले सहभागिता जनाएको प्रतियोगिताका विजयी प्रथम समूहले नगद ५० हजार ट्रफी, मेडल र प्रमाण पत्र र दोश्रो हुने समूहले नगद ३० हजार ट्रफी, मेडल र प्रमाण पत्र पुरस्कार पाउने आयोजकले जनाएको छ ।
त्यस्तै उत्कृष्ट डिफेण्डेर, हाईस्कोर, उत्कृष्ट स्टाईकर, उत्कृष्ट गोल किपर,उत्कृष्ट खेलाडीहरुलाई नगद २,२ हजार सहित ट्रफी, मेडल र प्रमाण पत्र प्रदान गरिने क्लवका अध्यक्ष नगेन्द्र राईले जानकारी दिनुभयो । ढुङ्गे क्लवको आयोजनामा सञ्चालित प्रतियोगिताको फाईनल चैत २९ गते हुने छ ।
