प्रदेश १ पालिका स्तरिय रामनवमी कप भलिवल प्रतियोगितामा आज तीन खेल
शर्मिला राई/वैशाख ६, धनकुटा । धनकुटाको हिलेमा सञ्चालित प्रदेश १ पालिका स्तरिय रामनवमी कप भलिवल प्रतियोगिता आज तीन खेल भएका छन् ।
हिले भलिवल क्लवको आयोजानामा आजदेखी शूरु भएको प्रतियोगिता अन्र्तगत पहिलो दिनको पहिलो खेल धनकुटा नगरपालिका र झापाको दमक नगरपालिका वीच भएको थियो । यी दुई पालिका वीचको खेलमा १८-२५ र १६-२५ को सोझो सेटमा दमक नगरपालिकाले जित निकालेको छ । त्यस्तै चुलाचुली गाउँपालिका ईलाम र पथरीशनिश्चरे गाउँपालिका मोरङ वीच भएको दोश्रो खेलमा २८-३० र १६-२५ अंकले पथरीशनिश्चरे विजयी भएको छ ।
त्यस्तै झापा गाउँपालिका र धनकुटाको पाख्रीवास नगरपालिका वीच भएको तेश्रो खेलमा २५-२० र २५-२२ अंकले झापा गाउँपालिकाले जित निकालेको प्रतियोगिता आयोजक क्लवका अध्यक्ष सञ्जिव तामाङले जानकारी दिनुभयो । धनकुटा, भोजपुर, ईलाम, झापा, मोरङ्ग जिल्लाका १० टिमले सहभागिता जनाएको प्रतियोगिताको ।
पहिलो हुने टिमले नगद १ लाख सहित कप, मेडल र प्रमाण पत्र र दोश्रो हुने टिमले नगद ५० हजार सहित कप, मेडल र प्रमाण पत्र पुरस्कार पाउने आयोजक क्लवले जनाएको छ । भोलिको पहिलो खेल विहान ९ वजेदेखी सागुरीगढी गाउँपालिका धनकुटा र पथरीशनिश्चरे गाउँपालिका वीच हुने छ । प्रतियोगिताको फाईनल वैशाख ८ गते हुने छ ।-सॉंकेतिक फोटो
