धनकुटामा आयोजना हुने पालिका स्तरिय महिला फुटबल प्रतियोगिताको सम्पूर्ण तयारी पुरा
धनकुटा,२७ जेठ । शहिद रामकृष्ण श्रेष्ठ स्मृति प्रतिष्ठान धनकुटाले भोली बाट धनकुटामा आयोजना हुने पालिका स्तरिय महिला फुटबल प्रतियोगिताको सम्पूर्ण तयारी पुरा भएको जनाएको छ ।
प्रतिष्ठानका अध्यक्ष इश्वर बहादुर श्रेष्ठले आयोजनाको सम्पूर्ण तयारी पुरा भएको जानकारी दिनु भएको छ ।
प्रतियोगिताको प्रथम हुने टोलीले नगद ५० हजार ट्रफि, मेडल र प्रमाण पत्र प्राप्त गर्ने छ भने दोस्रो हुने टोलीले ३० हजार नगद ट्रफि, मेडल र प्रमाण पत्र प्राप्त गर्ने छ ।
आयोजना सम्पन्न गर्नका लागि ६ लाख रुपैया लाग्ने अनुमान आयोजकले गरेको छ भने सहयोगीमा धनकुटाका स्थानियतह सहित अन्य प्रायोजक रहने आयोजकले जनाएको छ ।
प्रतियोगिताको उत्द्धाटन शनिबार दिउँसो १ बजे बाट हुने जनाईएको छ ।
