धनकुटाको पाख्रीवास ९ मातिम्बुमा आजबाट सुरु भएको खुल्ला पुरुष फुटवल प्रतियोगितामा ३ खेल सम्पन्न
शर्मिला राई,धनकुटा । धनकुटाको पाख्रीवास नगरपालिका ९ मातिम्बुमा आजबाट खुल्ला पुरुष फुटवल प्रतियोगितामा शूरु भएको छ ।
प्रगतिशिल युवा क्लवको आयोजनामा सञ्चालित फुटवल प्रतियोगिता अन्र्तगत आज पहिलो दिन ३ खेल भएका छन् ।
आयोजक समूह ‘वी’ र उत्तरपानी फुटवल क्लव वीच भएको पहिलो खेलमा ०-३ गोल अन्तरले आयोजक ‘वी’ ले जित हासिल गरेको छ ।
त्यस्तै मार्गा फुटवल क्लब र माम्फिङ फुटवल क्लब वीच भएको दोश्रो खेलमा १ को विरुद्ध २ गोल लगाउदै मार्गा फुटवल क्लब विजयी भएको छ भने सहिदभुमी ठूलोगाउँ वी.एफ.सी फुटवल क्लब र पाख्रीवास फुटवल क्लब वीच भएको तेश्रो खेलमा १ को विरुद्ध ७ गोल लगाउदै सहिदभुमी ठूलोगाउँ वी.एफ.सी विजयी भएको आयोजकले जनाएको छ ।
प्रतियोगितामा जम्मा १० टिमले सहभागिता जनाएको प्रगतिशिल युवा क्लबका अध्यक्ष कुलवहादुर थापाले जानकारी दिनुभयो । प्रतियोगिताका विजयी प्रथम टिमले नगद ४० हजार र दोश्रो हुने टिमले नगद २० हजार सहित मेडल र प्रमाणपत्र पुरस्कार पाउनेछन् ।
माघ ८ गते सम्म सञ्चालन हुने प्रतियोगिताको उद्घाटन ९ नं वडाध्यक्ष सम्झना आलेको प्रमुख आतिथ्य र वडा सदस्य मदन कुमार आलेको अध्यक्षतामा सञ्चालित कार्यक्रमको वीच गरिएको थियो ।
भोलिको खेल विहान १० वजेदेखी हुनेछ ।
