धनकुटामा जिल्ला स्तरिय अन्तरपालिका महिला फुटबल प्रतियोगिता शूरु
धनकुटा । शहिद रामकृष्ण श्रेष्ठ स्मृति प्रतिष्ठान धनकुटाको आयोजनामा आजदेखी धनकुटामा जिल्ला स्तरिय अन्तरपालिका महिला फुटबल प्रतियोगिता शूरु भएको छ ।
प्रतियोगिताको उद्घाटन धनकुटा नगरपालिकाका प्रमुख चिन्तन तामाङले गर्नुभएको हो । प्रतियोगिताको पहिलो दिन आज चौविसे गाउँपालिका र छथरजोरपाटी गाउँपालिका वीच खेल भएको छ ।
यी दुई पालिका वीचको खेलमा सुन्यको विरुद्ध ७ गोल लगाउदै चौविसे गाउँपालिकाले जित हाँसिल गरेको आयोजकले जनाएको छ । २६ गते सम्म सञ्चालन हुने प्रतियोगिताका विजयी प्रथम टिमले नगद ६० हजार र दोश्रो हुने टिमले नगद ३० हजार सहित ट्रफी,मेडल र प्रमाण पत्र पुरस्कार पाउनेछन् । भोलिको खेल दिउँसो १ बजेबाट हुनेछ ।
धनकुटा ७ का शहिद रामकृष्ण श्रेष्ठको पञ्चायती शासनको विरुद्धमा लड्दा २०३० चैत ३ गते विराटनगरमा तत्कालिन राजा विरेन्द्रमाथि बम प्रहारको घट्नामा परि निधन भएको थियो ।
श्रेष्ठलाई २०७४ माघ ३ गते तत्कालिन सरकारले राष्ट्रिय शहीद घोषणा गरेको थियो ।
