पाख्रीबास ५ का वडाध्यक्ष महेश राईको स्व आमा धनमाया राई प्रति नेपाली कांग्रेस धनकुटाद्वारा श्रद्धाञ्जली अर्पण
धनकुटा । धनकुटाको पाख्रीवास नगरपालिका वडा नं ५ घोर्लिखर्कका कांग्रेस नेता एबम् वडाध्यक्ष महेश राईको स्व आमा धनमाया राई प्रति नेपाली कांग्रेस धनकुटाले श्रद्धाञ्जली अर्पण गरेको छ । वीहिवार पार्टीका नेताहरु घोर्लिखर्क पुगी स्व धनमाया प्रति श्रद्धाञ्जली अर्पण गर्दै परिवारजनप्रति समवेदना व्यक्त गरेको हो ।
नेताहरुले परिवारजनलाई समवेदना पत्र हस्तान्तरण गरेका थिए । टोलिमा पूर्व मन्त्री तथा कांग्रेसका केन्द्रिय कार्य सम्पादन समिति सदस्य सुनिल वहादुर थापा,जिल्ला सभापति दिनेश राई,पाख्रीवास नगरपालिकाका मेयर ज्ञान वहादुर गुरुङ,कांग्रेस जिल्ला सचिव विजय सन्तोषी राई,सहसचिव रोशन श्रेष्ठ,युवा नेता सिदार्थ थापा,पाख्रीवास नगर सभापति प्रेम भण्डारी, नेपाल तरुण दल धनकुटाका अध्यक्ष युवराज पराजुली,वडा नं ४ का वडाध्यक्ष सन्तोष मानन्धर,वडासभापति श्याम प्रकाश राई, लगायतको सहभागिता थियो ।
यो पनि..
पूर्वाधार निर्माणमा लापरबाही : दश महिनामा १० प्रतिशत काम
गलकोट, ३ चैत (रासस):
बागलुङको गलकोट नगरपालिकाको प्रशासकीय भवन निर्माणमा ढिलाइ भएको छ । नगरपालिकाले चार वर्षको प्रयासबीच जग्गा व्यवस्थापन गरेर निर्माण गर्न थालेको प्रशासकीय भवन निर्माण ठेक्का सम्झौताअनुसार अगाडि नबढ्दा समस्या भएको छ ।
गलकोट नगरपालिका–६ मजुवाफाँटमा नगरपालिकाले व्यवस्थापन गरेको आठ रोपनी जग्गामा प्रशासकीय भवन निर्माण गर्नका लागि २०७९ असार १४ गते सम्झौता भएको थियो । सम्झौताको करिब १० महिना बित्दा बल्ल प्रशासकीय भवन निर्माण सुरु भएको छ । रु १२ करोड ४१ लाखको लागतमा रविना जुगल जेभीसँग २०८१ मङ्सिर ३० गते निर्माण सम्पन्न गर्ने गरी ठेक्का सम्झौता भएको थियो । हालसम्म १० प्रतिशत कार्यप्रगति समेत नभएको गलकोटका नगरप्रमुख भरत शर्मा गैरेले जानकारी दिनुभयो ।
उक्त भवन निर्माण सम्झौता गरेको १० महिनामा १० प्रतिशत कामसमेत सम्पन्न नभएको भन्दै गलकोट नगरपालिकाले निर्माण कम्पनीलाई सचेत गराएको छ । “काम दु्रतगतिमा भएन, १० महिनामा बल्ल जमिनमुनि काम थालिएको छु”, नगरप्रमुख गैरैले भन्नुभयो, “समयमै भवन निर्माण नभए म्याद थपिँदैन, निर्माण व्यवसायीले हालसम्म २० प्रतिशत भुक्तानीसमेत लगिसकेको छ ।”
प्रशासकीय भवन निर्माणको जिम्मा पाएको रविना जुगल जेभीका प्रतिनिधि नरेश ओझाले असारमा ठेक्का सम्झौता गरेको उल्लेख गर्दै बर्खामा खोलाको छेउमा भवन निर्माणका लागि जग्गा व्यवस्थापन गर्न समस्या भएपछि ढिलाइ भएको बताउनुभयो । खोला नजिकै भवन निर्माण थालिएकाले सुक्खायाममा काम थालेको ओझाले बताउनुभयो ।
मुख्य प्रशासकीय भवन निर्माण रु १२ करोडको लागतमा निर्माण थाले पनि अन्य पूर्वाधारसहितको विस्तृत अध्ययन प्रतिवेदन (डिपिआर) भने रु २७ करोड लागतको छ । सुविधासम्पन्न पाँचतले भवनसँगै अन्य शाखा कार्यालयसमेत निर्माण गर्ने नगरपालिकाको लक्ष्य छ । गलकोट नगरपालिकाले सबै राजनीतिक दल, सरोकारवाला व्यक्तिको सर्वदलीय भेलाले गरेको निर्णयअनुसार मजुवाफाँटमा केन्द्र स्थापना गर्ने निर्णयसँगै सोही क्षेत्रमा जग्गा व्यवस्थापन गरेको थियो ।
