पाठेघर परिक्षण तथा शल्यक्रिया सम्बन्धि एकदिने स्वास्थ्य शिविरमा १ सय १३ जनाले सेवा लिए
धनकुटा । धनकुटाको शहिदभुमी गाउँपालिकामा सञ्चालित पाठेघर परिक्षण तथा शल्यक्रिया सम्बन्धि एकदिने वृहत स्वास्थ्य शिविरमा १ सय १३ जना महिला दिदीवहिनीहरुले सेवा लिएका छन् ।
महिला दिदीवहिनीहरुको स्वास्थ्य सेवालाई ध्यानमा राख्दै जिल्ला अस्पताल धनकुटाको आयोजना तथा स्वास्थ्य कार्यलय धनकुटाको प्राविधिक सहयोगमा गाउँपालिका पिप्लेमा सञ्चालन भएको स्वास्थ्य शिविरमा उल्लेखित संख्याका महिलाहरुले सेवा लिएको अस्पतालले जनाएको छ । ती मध्ये आङ खसेको समस्या ७ जनाको अपरेशन गर्नुपर्ने, पिसाव चुहिने समस्या १० जना, पाठेघरको मुखको क्यान्सर जाँच गरिएको ४० जना मध्ये ५ जनाको पोजेटिभ नतिजा देखिएको छ ।
त्यस्तै स्त्री रोग ३३ र इम्प्लान्ट सम्बन्धि ६ जनाले सेवा लिएका छन् । शिविरको उद्घाटन शहिदभुमी गाउँपालिका अध्यक्ष मनोज राईले गर्नुभएको थियो । शिविरमा प्रशुती स्त्री रोग विषेशज्ञ डा अमिताभ ठाकुर सहित जिल्ला अस्पताल धनकुटाका १४ र गाउँपालिकाको स्वास्थ्य शाखाको ९ जना चिकित्सकको टोलिले सेवा दिएका थिए ।
