सन्न्यासअघि ज्ञानेन्द्रले क्यानलाई जानकारी दिएनन्
काठमाडौं । नेपाली राष्ट्रिय क्रिकेट टिमका पूर्वकप्तान ज्ञानेन्द्र मल्लले शुक्रबार सन्न्यासको घोषणा गरेका छन् ।
तर, नेपाल क्रिकेट संघ (क्यान)का कार्यवाहक सचिव दुर्गाराज पाठकले ज्ञानेन्द्रले सन्न्यासअघि आफूहरूलाई आधिकारिकरूपमा कुनै जानकारी नदिएको बताए ।
“बल्ल थाहा भएको छ । सन्न्यासअघि हामीलाई केही जानकारी थिएन । दिउँसो मिडियामा आइपछि हामीलाई मेल आएको थियो,” कार्यवाहक सचिव पाठकले बाह्रखरीसँग भने, “दिउँसो सवा २ बजेतिर अन्तर्राष्ट्रिय करियरबाट सन्न्यास लिएको भनेर इमेल आएको थियो । त्यसअघि आधिकारिक जानकारी थिएन । हामीले पनि मिडियाबाट थाहा पाएका हौँ ।”
ज्ञानेन्द्रले शुक्रबार सन्न्यासको घोषणाअघि पत्रकार सम्मेलनका लागि निमन्त्रणा पठाएका थिए । उनले दिउँसो २ः३० बजे पत्रकार सम्मेलन राखेका थिए
