संसदीय समितिको नेतृत्वमा टुंगियो भागबन्डा,रास्वपा र राप्रपा आउट
काठमाडौं,२२ साउन । सत्तारुढ दलहरुले संसदीय समितिमा भागबन्डा टुंग्याएका छन् । आज बसेको सत्तारुढ दल माओवादी केन्द्रको संसदीय दलको बैठकमा प्रधानमन्त्री पुष्पकमल दाहाल प्रचण्डले संसदीय समितिमा भागबन्डा मिलेको जानकारी गराएका छन् ।
प्रचण्डले पार्टीमा जानकारी गराए अनुसार प्रतिपक्षी दल नेकपा एमालेसहित ६ दलले मात्र समितिको नेतृत्व पाउने भएका छन् । प्रचण्डले जानकारी गराएअनुसार कांग्रेसलाई ४, प्रमुख प्रतिपक्षी दल नेकपा एमालेलाई ३, माओवादी केन्द्रलाई २, नेकपा एसलाई १, जनता समाजवादी पार्टीलाई १ र जनमत पार्टीलाई १ समिति परेको छ।
प्रचण्डले सुनाएको सहमति अनुसार नेतृत्व पाउमा प्रतिपक्षी दलहरु रास्वपा र राप्रपाले समितिको नेतृत्व नपाउने निश्चित भएको छ ।
