महिला विश्व कप : आज कोलम्बिया र जमैका तथा फ्रान्स र मोरक्को खेल्दै
काठमाण्डौ, साउन २३ । फिफा महिला विश्व कप फुटबलमा आज अन्तिम १६ का अन्तिम दुई खेल हुँदैछन् ।
आज हुने पहिलो खेलमा नेपाली समय अनुसार दिउँसो पौने २ बजे कोलम्बिया र जमैका तथा दोस्रो खेलमा बेलुका पौने ५ बजे फ्रान्स र मोरक्कोबीच खेल हुनेछ । आजको खेलबाट अन्तिम ८ मा पुग्ने थप दुई टोलीको टुङ्गो लाग्नेछ ।
आयोजक अष्ट्रेलियासहित ६ टोली इङ्ग्ल्यान्ड, स्वीडेन, नेदरल्यान्ड्स , जापान र स्पेन यसअघि नै क्वाटरफाइनलमा पुगिसकेका छन् । सहआयोजक न्युजिल्यान्ड समूह चरणको अन्तिम खेलमा स्विट्जरल्यान्डसँग गोलरहित बराबरीमा रोकिएपछि बाहिरिएको थियो । क्वाटरफाइनलका खेल शुक्रवारदेखि शुरु हुनेछन् । महिला विश्व कप अगस्ट २० तारिखसम्म चल्नेछ ।
