पाख्रीबासमा दुई दिने नि:शुल्क स्वास्थ्य शिविर सुरु
धनकुटा । धनकुटाकाे पाख्रीबासमा दुई दिने बृहत् नि: शूल्क स्वास्थ्य शिविर शुरु भएकाे छ । पाख्रीबास नगरपालिका र नाेबेल टिचिङ हस्पिटल विराटनगरकाे संयुक्त आयाेजनामा सञ्चालित बृहत नि:शुल्क स्वास्थ शिविर उत्तरपानीमा सञ्चालन भईरहेकाे हाे।
स्वास्थ शिविरकाे आज पहिलो दिन ३ सय जना सर्वसाधारणले स्वास्थ्य जाँच गराएकाे पाख्रीबास नगरपालिकाका स्वास्थ शाखा प्रमुख बसन्त निराैलाले जानकारी दिनु भयो ।
जिल्लाकाे पाख्रीबास नगरपालिका वडा नं ९ र १० सहित धनकुटा नगरपालिकाकाे ९ र १० का जनतालाई नै लक्षित गरि आयोजना गरिएकोे शिविरमा नाेबेल मेडिकल कलेज ,टिचिङ हस्पिटल विराटनगरका २४ जना चिकत्सककाे टाेलिले स्वास्थ जाँच तथा स्वास्थ सम्बन्धि परामर्श सेवा दिईरहेका छन् । स्वास्थ्य शिविरकाे उद्घाटन पाख्रीवास नगरपालिकाका प्रमुख ज्ञान बहादुर गुरुङले गर्नु भएकाे थियाे ।
शिविर उद्घाटन कार्यक्रम पाख्रीवास ९ का वडाध्यक्ष सम्झना आलेकाे अध्यक्षतामा भएकाे थियाे । स्वागत मन्तव्य नगरपालिकाका प्रमुख प्रशनसकीय अधिकृत खगेन्द्र सुवेदीले राख्नु भएकाे थियाे भने कार्यक्रमकाे सञ्चालन गाेकुल घिमिरेले गर्नुभएकाे थियाे । शिविरमा प्रसुती तथा स्त्रि राेग, हाड जाेर्नि तथा नशा सम्बन्धि,शल्यक्रिया सम्बन्धि परामर्श लगायतका सेवा दिईरहेकाे छ ।
