धनकुटामा यसरी मनाइँदै गठेमंगल पर्व
धनकुटा,१८ साउन । प्रत्येक वर्ष श्रावण कृष्ण चतुर्दशीका दिन मनाइने गठेमंगल अर्थात् घण्टाकर्ण पर्व धनकुटामा समेत मनाइँदैछ।
चाडपर्वमध्ये सबैभन्दा जेठो मानिएको गठेमंगल अर्थात घण्टाकर्ण पर्व सांस्कृतिक परम्पराअनुसार विशेषगरी नेवार समुदायले मनाउँछन् ।
धनकुटाको भीमसेनथान, भीमनाराणय चोक, मदन चोक, मथिल्लो कोप्चे, तल्लो कोप्चे लगायतका स्थानमा बिहानै सिमाली , निगालो अथवा गहुँको छ्वाली मिसाएर तीनखुट्टे राक्षसको स्वरूप बनाई दोबाटो र चौबाटोमा उभ्याइएको छ ।
केटाकेटीले बाटामा डोरी टाँगेर पैसा माग्ने समेत पर्वको अवसरमा गर्ने गर्दछन् ।
