भोलि र पर्सि कोशीका यी ९ जिल्लामा बन्दको आव्हान
धनकुटा,१९ माघ । मुक्कुमलुङ संरक्षण अन्तर्दलीय संघर्ष समितिद्वारा माघ २० र २१ गते कोशी प्रदेशका ९ जिल्ला (ताप्लेजुङ, पाँचथर, इलाम, झापा, मोरङ, सुनसरी, धनकुटा, तेह्रथुम र संखुवासभा) मा बन्दको घोषणा गरेको छ ।
सो दिनसम्ममा पनि माग सम्बोधन नभए माघ २२ गतेदेखि अनिश्चितकालीन लिम्बुवान आमहड्ताल गरिने समितिले प्रेस विज्ञप्तिमा जनाएको छ ।
ताप्लेजुङ मुक्कुमलुङमा गत माघ १२ गते बेलुकी सशस्त्र र जनपथ प्रहरीले मुक्कुमलुङ संस्कृतिकमीहरूमाथि बरबर दमन र गोलीकाण्डका कारण मेची हाइवे, तमोर करिडोर र तेह्रथुमबाट ताप्लेजुङ छिर्ने नाका माघ १५ देखिको अनिश्चितकालीन यातायात बन्दलाई आज सम्म यथावत राख्दै उक्त बन्दको आव्हान गरिएको हो ।
गिरफ्तार गरिएका संस्कृतिप्रेमीहरू प्रदीप मादेन, चन्द्रसागर लिम्बू र लक्ष्मण लिम्बूलाई बिना सर्त रिहा गर्नुपर्ने, केबलकार खारेज गर्नुपर्ने, केबलकारवाला चन्द्र ढकालले गोली लागेका घाइतेहरूको आजिबन जिवन निर्वाहको व्यवस्था गर्नुपर्ने लगायतका विभिन्न माग संघर्ष समितिले राखेको छ ।
हेर्नुहोस् बिज्ञप्ति:
