कांग्रेस नेता यादवलाई मधेश प्रदेशको मुख्यमन्त्री बनाउने सहमति
जनकपुर । नेपाली कांग्रेस संसदीय दलका नेता कृष्णप्रसाद यादवलाई मधेश प्रदेशको मुख्यमन्त्री बनाउने सात दलीय गठबन्धनभित्र सहमति भएको छ ।
बिहानैदेखि चलेको छलफलपछि यादवको नाममा गठबन्धनका दलहरूबीच सहमति जुटेको एक प्रदेश सांसदले जानकारी दिए ।
अहिले प्रदेश सांसदहरूले समर्थनपत्रमा हस्ताक्षर गर्ने काम भइरहेको छ ।
सात दलीय गठबन्धनले अब प्रदेश प्रमुखसमक्ष यादवलाई मुख्यमन्त्रीमा नियुक्त गर्नका लागि बहुमत सांसदको हस्ताक्षरसहित दाबी पेश गर्ने तयारी गरेको छ ।
