मोरङको उर्लाबारीमा एमालेको घरदैलो अभियान तीव्र
उर्लाबारी । आसन्न प्रतिनिधि सभा सदस्य निर्वाचनलाई लक्षित गर्दै नेकपा एमाले उर्लाबारी नगर कमिटीले घरदैलो अभियान सुरु गरेको छ।
मोरङ–१ का एमाले उम्मेदवार घनश्याम खतिवडा वडा केन्द्रित भएर मतदातासँग प्रत्यक्ष भेटघाटमा जुटेका छन्।
कार्यक्रममा समसामयिक राजनीति, पार्टी रणनीति तथा स्थानीय विकासका विषयमा छलफल गरिएको नगर कमिटी अध्यक्ष निरोज तिम्सिनाले जानकारी दिए।
प्रदेश कमिटी सदस्य भुपालसिं जिमीका अनुसार अभियानमा नेता–कार्यकर्ताको उत्साहजनक सहभागिता रहेको छ।
