पूर्व राज्यमन्त्री साउद सहितका ६५ जना एमालेमा प्रवेश
धनगढी । नेपाली कम्युनिस्ट पार्टी(नेकपा) कि केन्द्रीय सदस्य तथा सुदूरपश्चिम प्रदेशकी पूर्व राज्यमन्त्री मनाकुमारी साउदसहितका ६५ जना नेकपा एमालेमा प्रवेश गरेका छन् ।
आइतबार धनगढीमा पार्टीका सुदूरपश्चिम प्रदेश अध्यक्ष कृष्णप्रसाद जैशीले पार्टीमा प्रवेश गरेका नेता तथा कार्यकर्ता स्वागत गरेका थिए ।
पार्टीमा प्रवेश गर्नेहरूमा अछामकाे मेल्लेख गाउँपालिका-४ का राजेन्द्र बहादुर साउद, चाैरपाटी-५ का नवीन साउद, मेल्लेख-७ का कृष्णबहादुर साउद, माेहन साउद, बिरबहादुर साउद लगायतका नेता कार्यकर्ता रहेका छन् ।
उनीहरू कम्युनिस्ट आन्दोलन एकीकृत र एकढिक्का बनाउने एमालेमा प्रवेश गरेकाे उल्लेख गरेका छन् ।
पार्टीमा प्रवेश गरेकाहरूले अछाम-१ का उम्मेदवार दिपक साउदलाई जिताउन लागि पर्ने प्रतिबद्वता समेत जनाएका छन् ।
