धनकुटामा १० रोपनी क्षेत्रफलमा लगाइएको गाँजा फडानी, ३ हजार ७ सय बोट नष्ट
धनकुटा, साउन १३ । धनकुटा प्रहरीले जिल्लाका विभिन्न स्थानमा अवैध रूपमा लगाइएको गाँजाखेती फडानी गरी नष्ट गरेको छ।
जिल्ला प्रहरी कार्यालय धनकुटाका अनुसार इलाका प्रहरी कार्यालय छिन्ताङ, प्रहरी चौकी त्रिवेणी तथा अस्थायी प्रहरी पोष्ट बेलहाराबाट खटिएको संयुक्त प्रहरी टोलीले शहीदभूमि गाउँपालिका–२ र धनकुटा नगरपालिका–९ का विभिन्न स्थानमा सञ्चालन गरेको अभियानका क्रममा करिब १० रोपनी क्षेत्रफलमा लगाइएको ३ हजार ७ सय गाँजाका बेर्ना र बोट फडानी गरी नष्ट गरेको हो।
प्रहरीले अवैध लागूऔषधको उत्पादन तथा ओसारपसार नियन्त्रण गर्ने अभियानअन्तर्गत गाँजाखेती फडानी कार्यलाई निरन्तरता दिइएको जनाएको छ।
