विराटनगर सीमा नाकाबाट १२.५ ग्राम खैरो हेरोइन सहित युवक पक्राउ
विराटनगर । मोरङको विराटनगर महानगरपालिका–१५ स्थित नेपाल–भारत सीमा क्षेत्रबाट प्रहरीले खैरो हेरोइनसहित एक युवकलाई पक्राउ गरेको छ।
शनिबार दिउँसो करिब १२ बजे इलाका प्रहरी कार्यालय रानी र लागूऔषध नियन्त्रण ब्युरो विराटनगरबाट खटिएको संयुक्त प्रहरी टोलीले भारतबाट नेपालतर्फ आउँदै गरेको प्र. ०२–०४८ प ६१३९ नम्बरको स्कुटरलाई शंकाको आधारमा रोकी जाँच गरेको थियो।
जाँचका क्रममा स्कुटर चालक मोरङको सुन्दरहरैँचा नगरपालिका–१२ निवासी २६ वर्षीय प्रेम अछामीको साथबाट १२ ग्राम ५०० मिलिग्राम खैरो हेरोइनजस्तो देखिने पदार्थ बरामद भएको प्रहरीले जनाएको छ।
प्रहरीले अछामीलाई स्कुटरसहित नियन्त्रणमा लिई इलाका प्रहरी कार्यालय रानीमा राखी घटनाबारे थप अनुसन्धान गरिरहेको जनाएको छ।
