विराटनगरमा २० किलो भन्दा बढी बेवारिसे अवस्थामा गाँजा बरामद
मोरङ, ३१ साउन । मोरङको विराटनगर महानगरपालिका–१८ इटाभट्टास्थित रेल्वे पटरीको छेउबाट प्रहरीले २० किलो ३२० ग्राम गाँजा बरामद गरेको छ।
इलाका प्रहरी कार्यालय बुधनगरबाट खटिएको प्रहरी गस्ती टोलीले साउन ३० गते राति करिब १०:२० बजे गस्ती गर्ने क्रममा रेल्वे पटरीको छेउमा बेवारिसे अवस्थामा रहेको प्रतिबन्धित लागूऔषध गाँजा फेला पारेको हो।
प्रहरीले गाँजा बरामद गरी इलाका प्रहरी कार्यालय रानीमा ल्याएको छ। बरामद गाँजाबारे थप अनुसन्धान भइरहेको जिल्ला प्रहरी कार्यालय मोरङले जनाएको छ।
