विश्व खाद्य दिवस, बिभिन्न कार्यक्रम गरी मनाइदैँ
काठमाडाैं, ३० असाेज । आज विश्व खाद्य दिवस । याे दिवस प्रत्येक वर्ष अक्टोबर १६ तारिखका दिन विश्वभर मनाइन्छ।
सन् २०२६ को विश्व खाद्य दिवसको नारा 'आजको नवीनता: भोलिको पोषण / प्रविधि र नवप्रवर्तनमा जोड' रहेको छ। यस नाराले भोकमरीमुक्त भविष्य निर्माणका लागि कृषि र खाद्य प्रणालीमा नयाँ प्रविधि, तथ्याङ्क र नवप्रवर्तनको प्रयोग गर्दै भावी पुस्ताका लागि पर्याप्त, सुरक्षित र पौष्टिक खानाको उपलब्धता सुनिश्चित गर्नुपर्ने आवश्यकतामा जोड दिएको छ।
संयुक्त राष्ट्रसङ्घीय खाद्य तथा कृषि सङ्गठनको स्थापना भएको दिनको सम्झनास्वरुप यो दिवस मनाउने गरिएको हो। संयुक्त ष्ट्रसङ्घीय खाद्य तथा कृषि सङ्गठनको स्थापना सन् १९४५ अक्टोबर १६ मा भएको थियो। सन् १९७९ नोभेम्बरमा संयुक्त राष्ट्रसङ्घको साधारण सभाले यो दिवस मनाउने प्रस्ताव पारित गरेपछि सन् १९८१ देखि औपचारिक रूपमा विश्वभर यो दिवस मनाउन थालिएको हो।
विश्वभर बढ्दो कुपोषण, गरिबी र भोककमरी अन्त्यका लागि जनचेतना जगाउनु र खाद्य सुरक्षाको सुनिश्चितताका लागि ठोस कदम चाल्न सबै राष्ट्रहरूलाई एकजुट गर्नु यसको मुख्य ध्येय हो।
नेपालले सन् १९५१ नोभेम्बरमा खाद्य तथा कृषि सङ्गठनको सदस्यता प्राप्त गरेको थियो। नेपालमा वि.सं. २०३८ साल (सन् १९८१) देखि नियमित रूपमा विभिन्न नारासहित यो दिवस मनाइँदै आएको छ। यस अवसरमा खाद्य सुरक्षा, कृषि उत्पादनमा वृद्धि, र सन्तुलित आहारबारे चेतना फैलाउने खालका गोष्ठी, सेमिनार तथा विभिन्न कार्यक्रमहरू आयोजना गरिन्छन्।
सन् २०२६ को विश्व खाद्य दिवसको नारा 'आजको नवीनता: भोलिको पोषण / प्रविधि र नवप्रवर्तनमा जोड' रहेको छ। यस नाराले भोकमरीमुक्त भविष्य निर्माणका लागि कृषि र खाद्य प्रणालीमा नयाँ प्रविधि, तथ्याङ्क र नवप्रवर्तनको प्रयोग गर्दै भावी पुस्ताका लागि पर्याप्त, सुरक्षित र पौष्टिक खानाको उपलब्धता सुनिश्चित गर्नुपर्ने आवश्यकतामा जोड दिएको छ।
