कामका लागि दक्षिण कोरिया पुगेका एक नेपाली युवाले फेसबुकमा स्टाटस लेखेपछि आत्महत्या गरे
सउल, २२ जेठ । दक्षिण कोरियामा कामका लागि पुगेका एक नेपाली युवाले फेसबुकमा स्टाटस लेखेपछि आत्महत्या गरेका छन् ।
जीवन अँध्यारो भएको स्ट्याटस लेखेर आत्महत्या गर्ने यी युवा हुन्, गोरखाका सुनिल अधिकारी । इपिएसमार्फत् कामका लागि दक्षिण कोरिया पुगेका २२ वर्षीय अधिकारी देगु खांग्सानस्थित फोजांग कम्पनीमा कार्यरत थिए । उनी दुईबर्ष अघि मात्रै दक्षिण कोरिया पुगेका थिए । सुसाइड गर्नु केही घन्टा अघि उनले ‘लाइफ’ लेखेर फेसबुक वालमा कालो रंग पोतेका थिए। उनको ‘सुसाइड नोट’ समेत भेटिएको छ । आत्महत्याको कारण भने खुलेको छैन् ।
कोरियामा कामका लागि पुगेका नेपाली श्रमिकहरुले आत्महत्या गर्ने क्रम ह्वात्तै बढेकोमा नेपाली समुदाय चिन्तित भएको छ ।
