धनकुटाको छथरमा एमाले बिजयी
धनकुटा खबर, असार १७ । धनकुटाको छथर जोरपाटी गाउँपालिकामा नेकपा एमालले बिजय हाँशिल गरेको छ । अध्यक्षमा शेरबहादुर लिम्बुले ३ हजार ३ सय ४९ र उपाध्यक्षमा एमालेकै भीमकला श्रेष्ठले ३ हजार २ सय ८९ मत ल्याएर बिजयी भएका छन् ।
उनीहरुको निकतम प्रतिद्वन्दि नेकपा माओवादी केन्द्रका बिष्णु पारघरी लिम्बुले १ हजार ५ सय ३१ र केन्द्रकै गीता गुरुङ्ग (लिम्बु) ले २ हजार ७३ मत पाएका छन् ।
६ वटा वडा भएको यो गाउँपालिकामा वडा नं.२ मा माओवादी केन्द्रका,कृष्ण मगरले अध्यक्ष जितेका छन् । अन्य सबै वडामा क्रमश वडा अध्यक्षमा पोकमान मगर, ज्ञान बहादुर लिम्बु,टेक बहादुर घिसिड,दिल बहादुर थापा र सुरेन्द्र लिम्बुले जितेका छन् ।
१० हजार ७ सय ३७ मतदाता रहेको यो गाउँपालिकामा खसेको ७ हजार ६ सय ७२ मत मध्ये २ सय ७० मत बदर भएको निर्वाचन कार्यालय छथरले जानकारी दिएको छ ।
यो जीत संगै धनकुटाको ७ तह मध्ये एमालले ३ तहमा जीत हाँशिल गरेको छ ।
