अब एमालेको नेतृत्वमा धनकुटा चीन र भारत बीचको एक ब्यपारीक केन्द्र बन्नेछ : ओली
धनकुटा राजनैतिक केन्द्रसंगै ब्यपारीक केन्द्र हुन्छ : ओली
धनकुटा खबर, असार २४ । नेकपा एमालेका अध्यक्ष केपी शर्मा ओलीले धनकुटा अब राजनैतिक केन्द्रसंगै ब्यपारीक केन्द्र हुने बताइका छन् ।
स्थानिय तहको निर्वाचनमा धनकुटाको सबै ७ वटा तह जितेपछि बधाई दिन आएका ओलीलाई स्थानिय एमाले नेताहरुले धनकुटालाई प्रादेशीक राजधानी बनाउनुपर्ने माग राखेपछि उहाँले यस्तो बताएका हुन् ।
‘धनकुटा राजनैतिक केन्द्र बनेको छ’,उनले भने,‘अब एमालेको नेतृत्वमा धनकुटा चीन र भारत बीचको एक ब्यपारीक केन्द्र बन्नेछ ।’
धनकुटा कृषि,पर्यटन र शैक्षिक क्षेत्रमा अगाडि रहेको सन्दर्भमा धनकुटाको तमोर नदीमा हाईड्रोपावर सन्चालन गरेर धनकुटालाई थप समृद्ध बनाईने ओलीले बताए ।
धनकुटालाई ब्यपारीक केन्द्र बनाउनको लागि भारतको जोगवनीबाट चीनको किमाथांका सम्म जोड्ने तमोर करिडोरको तिव्र बिकास र बिस्तार गरिने ओलीले बताए ।
बिराट नगरमा एमालेले पछि परेकाले पनि अब धनकुटालाई प्राथमिकता दिईने अध्यक्ष ओलीको भनाई थियो ।
धनकुटाको सातै तहमा एमालेलाई जिताउन महत्वपूर्ण भुमिका खेलेको भन्दै ओलीले एमाले धनकुटाका अध्यक्ष राजेन्द्र राईलाई माला लगाएर सम्ममान ब्यक्त गरेका थिए ।
कार्यक्रममा पार्टीका सचिव प्रदिप ज्ञवली,काठमाण्डौ महानगरपालिकाका पूर्व मेयर केशव स्थापित,धनकुटाका मेयर तथा प्रमुखहरुको तर्फबाट धनकुटा नगरपालिकाका मेयर चिन्तन तामाङ लगाएतले बोलेका थिए ।
यो पनि हेर्नुहोस् -> धनकुटा जिल्ला एक नम्बर प्रदेशको राजधानी बन्न सक्ने : अध्यक्ष केपी ओली
