२१ जनाको सम्झनामा धनकुटामा गाईजात्रा निकालियो
धनकुटा खबर, साउन २४ । मृतक आफन्तजनको सम्झानामा आज धनकुटामा नेवारी समुदायले गाईजात्रा मनाएको छ ।
भाद्र कृष्ण प्रतिपदादेखि अष्टमीसम्म आठ दिन मनाइने परम्परागत सांस्कृतिक उत्सव ‘जात्रा’ मनाउने क्रममा आज गाईजात्रा मनाईएको हो ।
एक वर्ष्भित्र मृत्युभएका आफन्तको सम्झनामा गाई र मानिसलाई गाईका रूपमा सिँगारेर बजार परिक्रमा गराईएको छ ।
यो बर्ष मृत्युभएका २१ जनाको सम्झनामा गाईजात्रा निकालिएको नेवापुचः धनकुटाले जानकारी दिएको छ ।
यसरी नगर परिक्रमा गर्नाले वर्षभरि मृत्यु भएका व्यत्तिहरुm गाइको पुच्छर समाएर बैतरणी पार हुन्छन भन्ने धार्मिक विस्वास छ ।
आज कै दिन काठमाडौं उपत्यकालगायत धनकुटा , भोजपुर, चैनपुर, इलाम, धरान, विराटनगर, वीरगन्ज, हेटौँडा ,पोखरा बनेपा, धुलिखेल,रीकोट, दिक्तेल, लगायत स्थानमा मनाइने गरिएको छ ।
तात्कालिन राजा प्रताप मल्लले सन्तान शोकमा रहेकी आफ्नी रानीलाई अरुको पनि आफन्त मरेका छन् भनेर सान्तत्वना दिन यो जात्रा देखाउने परम्परा चलिआएको छ ।
