द्वन्द न्यूनिकरण गर्न स्थानिय निकायसँग परामर्श
धनकुटा खबर, चैत ३१ । स्थानिय तहको संरचना र सरकारले अस्थाई रुपमा तोकेको केन्द्रका बारेमा बिवाद आउन नदिन स्थानिय शान्ति समितिले धनकुटाका ७ वटा स्थानिय संरचना संग छलफल गरेको छ ।
समितिका संयोजक बलबहादुर राईको अध्यक्षतामा सम्पन्न उक्त अन्तरक्रिया कार्यक्रममा धनकुटा,पाख्रिबास, महालक्ष्मि नगरपालिका र चौबिसे,शहिद भूमि छिन्ताङ,छ थर र साँगुरी गढी गाउँपालिकाका प्रमुखहरुको उपस्थिति रहेको थियो ।
यस अघि सरकारले भएका सरकारी संरचना प्रयोग गर्न नयां गाउँ र नगरपालिकाको केन्द्र तोकेको बिषयमा केहि बिवाद भएपनि अहिले कुनै बिवाद नभएको सम्बिनिधत स्थानिय निकायका प्रतिनीधिहरुले जानकारी दिएका थिए ।
कार्यक्रममा पूर्व संयोजक बिजय सन्तोषी राईले धनकुटाबाट सिफारिस गरिएका २ सय ३० जना मध्ये ३६ जनाले राहत पाएको जानकारी दिनुभयो ।
पूर्व संयोजक टिका प्रसाद घिमिरेले समापन गर्नुभएको उक्त कार्यक्रममा नेपाल पत्रकार महासंघ धनकुटाका उपाध्यक्ष नगेन्द्र राई, धनकुटा नगरपालिकाका कार्यकारी अधिकृत तिर्थ प्रसाद धिताल र स्थानिय बिकाश अधिकारी पर्व प्रसाद साप्कोटाले मन्तब्य राख्नु भएको थियो ।
