इटहरीमा संघीय गठबन्धनका कार्यकर्ता र प्रहरीबीच झडप, स्थिति नियन्त्रणमा लिन अश्रुग्यास प्रहार
इटहरी, इटहरीमा संघीय गठबन्धनका कार्यकर्ता र प्रहरीबीच झडप भएको छ। गठबन्धनका कार्यकर्ताको र्यालीमा आन्दोलनकारीमाथि ढुंगा प्रहार भएपछि आन्दोलनकारी आक्र्रोशित भएका थिए।
आफूहरुमाथि ढुंगा प्रहार भएपछि आन्दोलनकारी प्रहरीमाथि जाइ लागेका हुन्। अन्नपूर्णपोष्टमा खबर छ । आन्दोलनकारीलाई घरको छतबाट ढुंगाले हानिएको भन्दै आक्रोशित भएका हुन्। र्यालीमा सहभागी आन्दोलनकारी आक्रोशित भएपछि प्रहरीले स्थिति नियन्त्रणमा लिनका निम्ति केही राउण्ड अश्रुग्यास प्रहार गरेको छ।
प्रहरी र र्यालीमा सहभागीबीच झडप भएपछि अहिले इटहरी बजार क्षेत्रमा तनाव छ। झडपका क्रममा केही प्रहरी र आन्दोलनकारी घाइते भएका छन्। झडपको पूर्ण विवरण भने आउन बाँकी छ।
