भीरगाउँ स्थित टंक मावि वाल क्लवद्वारा भित्ते पत्रिका प्रकाशन
धनकुटा खबर, जेष्ठ ८ । धनकुटा भीरगाउँ स्थितको श्रीमान टंक माद्यमिक विद्यालयको वाल क्लवले आज देखी विद्यालयमा भित्ते पत्रिका प्रकाशनमा ल्याएको छ ।
विद्यालयको आन्तरिक श्रोतवाट वाल क्लवले भित्ते पत्रिका प्रकाशनमा ल्याएको विद्यालयका प्रधानाध्यापक वासुदेव निरौलाले जानकारी दिनुभयो । भित्तेपत्रिकामा विद्यार्थीहरुको प्रतिभा प्रकाशन तथा लेख रचनाहरु राखिने पनि उहाँले वताउनुभयो ।
आज विद्यालयमा एक कार्यक्रमको आयोजना गरी पत्रिका प्रकाशनको उद्घाटन गरिएको वालक्लवले जनाएको छ । क्लवका सभापति गरिमा गुरागाईको अध्यक्षतामा सञ्चालित कार्यक्रमको वीच चुलाचुली श्रोत केन्द्रका श्रोत व्यक्ति रुद्र वहादुर विश्वकर्माले कार्यक्रमको उद्घाटन गर्नुभएको थियो ।
कार्यक्रममा प्रधानाध्यापक निरौला र शिक्षक नर वहादुर विश्वकर्माले मन्तव्य राखेका थिए भने सञ्चालन वालक्लव संरक्षक शिक्षक सरोज दाहालले गर्नुभएको थियो ।
