धनकुटामा राप्रपाका नगर उपाध्यक्ष सहित करिब तीन दर्जन नेता कार्यकर्ता एमालेमा प्रवेश
धनकुटा खबर, जेठ २८ । धनकुटाको महालक्ष्मी नगरपालिकामा एमालेले चुनावी घरदैलो अभियान जारिराखेको छ । अभियानका क्रममा शनिवार लेगुवाको रामबजारमा सांस्कृतिक कार्यक्रम सहितको घरदैलो अभियान सन्चालन गरेको छ ।
यसै बिच घरदैलो अभियान संचालनकै अबसरमा राष्ट्रिय प्रजातन्त्र पार्टीका महालक्ष्मी नगर उपाध्यक्ष पर्शुराम कटुवाल सहित राप्रपाका करिव तीन दर्जन नेता कार्यकर्ता एमालेमा प्रवेश गरेका छन ।
नव प्रवेशीहरुलाई एमालेले नेता ईन्दमणी पराजुली एमालेको तर्फबाट महालक्ष्मी नगरका मेयरका उम्मेदवार पर्शुराम नेपाल लगायतका नेताले अविर तथा पार्टीको चुनाव चिन्ह अङ्कीत भेष्ट र क्यापटोपी प्रदान गरी स्वागत गरेको एमाले प्रचार विभागका भेषराज कट्टेलले जानकारी दिनुभएको समाचार रेडियो लालिगुरासले प्रसारण गरेको छ ।
एमालेले महालक्ष्मी नगरको चानुवा र डाँडा गाउमा चुनावी सभा सहित घरदैलो अभियान सम्मपन्न गरिसकेको बताएको छ ।
यसै बीच लेगुवा, मुर्तीढुङ्गा, जितपुर लगाएतका स्थानमा पनि घरदैलो अभियान जारि रहेको अभियानमा सहभागी एमाले कार्यकर्ता रेवती नारायण नेपालले जानकारी दिनु भएको छ ।
