पूर्वमा माओवादी त्याग्नेको लहर चल्यो, चुनावको मुखैमा गाउँका माओवादी लाइन लागेर एमाले प्रवेश
भोजपुर, २९ जेठ । एमाले विरुद्ध कांग्रेस, माओवादी, संघीय समाजवादी, लिम्बुवान लगायत सबै पार्टीले मोर्चाबन्दी गरेको पूर्वमा माओवादी त्याग्नेको लहर चलेको छ । चुनावकै मुखमा माओवादीका इन्चार्ज सहित ३५ जना नेताले माओवादी छोडेर एमाले प्रवेश गरेका छन् ।
माओवादी केन्द्र भोजपुरका सचिवालय सदस्य एंव इलाका इन्चार्ज भूमिलाल राई माओवादी केन्द्र परित्याग गरि एमालेमा प्रवेश गरेका हुन् । पार्टीका इन्चार्ज नै एमालेमा प्रवेश गरेपछि उनीहरुले भोजपुरमा माओवादी शुन्य हुने दावी गरेका छन् ।
राष्ट्रहित विपरित एजेण्डा बोकेर माओवादीले देशलाई धोका दिएको भन्दै उनीहरु एमाले प्रवेश गरेका हुन् । उनले माओवादीप्रति रहेको भ्मबाट जति छिटो मुक्त हुन्छ त्यति नै देशले प्रगति गर्ने वताए ।
हतुवागढी गाउँपालिकाको वडा नं ९ हसनपुरमा एमालेको चुनावी सभामा उनीहरुलाई एमाले पोलिटव्युरो सदस्य शेरधन राई, जिल्ला पार्टी अध्यक्ष एंव गाउँपालिका अध्यक्षका उम्मेदवार प्रेमकुमार राईले अविर माला लगाएर पार्टीमा प्रवेश गराएका थिए ।
